Аз 12 то 14-уми апрел бинобар боришоти шадиди борон дар роҳи мошингарди Душанбе – Хуҷанд (дар қитъаи 64 то 74 км) эҳтимоли фаромадани тарма вуҷуд дорад. Дар ин бора Оҷонсии ҳавошиносии Тоҷикистон хабар медиҳад.
Манбаъ мегӯяд, илова бар ин, ба ҷуз минтақаи шарқии ВМКБ, дар ноҳияҳои доманакӯҳӣ ва кӯҳии ҷумҳурӣ эҳтимоли омадани сел пешбинӣ мешавад.
Дар ар робита ба ин, Кумитаи ҳолатҳои фавқуллода аз мардум хостааст, ки дар ин рӯзҳо рафтан ба соҳили дарёҳо ва саёҳати кӯҳӣ худдорӣ кунанд.
Ҳамчунин КҲФ аз аҳолӣ дархост кардааст, ки ҳангоми ҳаракат дар роҳҳои кӯҳӣ ва ағбаҳо эҳтиёт бошанд ва ба ҷамъоварии гиёҳҳои шифобахш, ҳезум ва шикору моҳидорӣ нараванд.
Дар бораи паёмади боронҳои шадид муфассал дар матлаби “12 мушак ба сӯи абрҳои жолазо партоб шуд”. КҲФ паёмади боронҳои шадиди ду рӯзи гузаштаро гуфт ва ба сокинон ҳушдор дод” мутолиа кунед.
