Тоҷикистонро дар Бозиҳои варзишии сеюми кишварҳои Иттиҳоди Давлатҳои Мустақил (ИДМ) дар Озарбойҷон 144 варзишгар муаррифӣ мекунанд. Дар маҷмуъ, дар ин мусобиқа 1605 варзишгар ва 2330 намоянда аз 10 кишвар ширкат меварзанд.
Дар ин мусобиқа аз дигар давлатҳо низ варзишгарон ширкат мекунанд:
– Озарбойҷоно 340 варзишгар;
– Русия 262 варзишгар;
– Ӯзбекистон 254 варзишгар;
– Беларус 240 варзишгар;
– Қазоқистон 147 варзишгар;
– Қирғизистон 126 варзишгар,
– Туркманистон 48 варзишгар;
– Туркия 38 варзишгар;
– Кувейт 6 варзишгар.
Бояд гуфт, ки имсол Бозиҳои сеюми кишварҳои ИДМ аз 28-уми сентябр то 8-уми октябр дар ҳафт шаҳри Озарбойҷон баргузор мешаванд. Мусобиқаҳо аз рӯи 23 навъи варзиш дар 12 майдону толор баргузор мегардад.
Дар мусобиқа, варзишгарон аз рӯи навъҳои варзиши ҷудо, самбо, гӯштини юнонию румӣ, гимнастикаи бадеӣ, тирпаронӣ, қаиқронӣ, таэквон-до, бокс, шамшерзанӣ, камонварӣ ва дигар навъҳо бо ҳам рақобат мекунанд.
Дар Бозиҳои якуми кишварҳои ИДМ, ки аз 4 то 11-уми сентябри соли 2021 дар шаҳри Қазони Русия баргузор шуданд, Тоҷикистонро 80 варзишгар дар 12 навъи варзиш намояндагӣ карда, 14 медал ба даст оварданд.
Дар Бозиҳои дуввуми кишварҳои ИДМ, ки аз 4 то 14-уми августи соли 2023 дар пойтахти Беларус баргузор шуданд, Тоҷикистон миёни 22 кишвари иштирокчӣ зинаи 8-умро касб карда, ба дарёфти 13 медал, 1 тилло, 5 нуқра ва 9 биринҷӣ ноил гардид.
