Горан Стеванович, мутахассиси сербиягӣ, ки роҳбарии мунтахаби миллии Тоҷикистонро ба уҳда гирифт, ҳайати аввалини худро дар бозиҳои даври интихобии мусобиқаи Ҷоми Осиё муқобили Малдив эълон кард. Омодагии даста аз имрӯз, 6-уми окятбр оғоз мегардад.
Ин вохӯриҳо, ки рӯзҳои 9 ва 14-уми октябр баргузор мешаванд, 25 бозингар – 3 дарвозабон, 9 ҳимоятгар, 9 нимҳимоятгар ва 4 ҳамлагар ширкат мекунанд.
Дар ҳамин ҳол, бинобар ҷароҳат бардоштан ва дигар дигар сабабҳо, Алишер Ҷалилов, Ваҳдат Ханнонов ва Амадонӣ Камолов наметавонанд дар бозиҳо иштирок кунанд. Шериддин Бобоев низ ба рӯйхат ворид нашудааст.
Бозӣ дар Ҳисор рӯзи 9-уми октябр бар зидди Малдив нахустин имтиҳони ситоди нави мураббиён хоҳад буд. Бозии дуюм рӯзи 14-уми октябр дар меҳмонӣ баргузор мегардад. Ин вохӯриҳо барои роҳ ёфтан ба қисми ниҳоии Ҷоми Осиё–2027 аҳаммияти калон дошта, маҳз тавассути онҳо мухлисон аввалин бор сабку усули кори Стевановичро арзёбӣ хоҳанд кард.
Ҳайати мунтахаби Тоҷикистон ба вохӯриҳои даври интихобии Ҷоми Осиё-2027 муқобили Малдив:
– Дарвозабонҳо: Рустам Ятимов ("Ростов", Русия), Олег Баклов ("Турон Товус", Озарбойҷон), Далер Азизов ("Ҳосилот");
– Ҳимоятгарон: Зоир Ҷӯрабоев ("Суғдиён", Ӯзбекистон), Раҳматшо Раҳматзода ("ПСИМ Йогикарта", Индонезия), Меҳрубон Каримов ("Локомотив", Гурҷистон), Аҳтам Назаров, Манучеҳр Сафаров, Табрез Исломов, Содиқҷон Қурбонов ("Истиқлол", Тоҷикистон), Алиҷон Кароматуллозода ("Равшан", Тоҷикистон), Мӯсо Қаҳҳоров ("Барқчӣ", Тоҷикистон);
– Нимҳимоятгарон: Парвизҷон Умарбоев ("Локомотив", Булғористон), Амирбек Ҷӯрабоев, Эҳсони Панҷшанбе, Муҳаммадҷон Раҳимов ("Истиқлол", Тоҷикистон), Алишер Шукуров ("Хуҷанд", Тоҷикистон), Далер Имомназаров ("Регар-ТадАЗ", Тоҷикистон), Эҳсон Бобоев ("Вахш", Тоҷикистон), Азизбек Далиев ("Барқчӣ", Тоҷикистон), Салоҳиддин Эргашев ("Равшан", Тоҷикистон);
– Ҳамлагарон: Шаҳром Самиев ("Хоразм", Ӯзбекистон), Шервони Мабатшоев ("Регар-ТадАЗ"), Рустам Соиров ("Истиқлол", Тоҷикистон), Нуриддин Ҳамрокулов ("Вахш", Тоҷикистон).
Қаблан, Горан Стеванович гуфта буд, ки ба тарзу усули ҷойгиршавии 4-2-3-1 бо таваҷҷуҳ ба миёни ҳамла ва мудофиа афзалият медиҳад. Он аз бозингарон интизом ва фидокориро талаб мекунад, вале ҳамзамон ба ҳар як бозингар бо эътимод ва эҳтиром муносибат мекунад.
Дар гузашта Стеванович футболбозони маъруф Видич, Станкович ва Эсиен ҳамкорӣ дошта, ба гуфтаи худи ӯ, метавонад бо ҳар гуна хислатҳои душвори инсонӣ забон ёбад.
Стеванович аллакай эълон кардааст: "Фалсафаи ман — пирӯз шудан дар ҳар бозӣ аст".
Бо вуҷуди ин, дар Тоҷикистон хуб дарк мекунанд, ки вазифаи ӯ танҳо ба даст овардани натиҷа нест, балки сохтани дастае бо хислати қавӣ ва услуби возеҳ мебошад. Пас аз давраи пурҳассоси Петр Сегрт ва улуби қатъии тактикии Гела Шекиладзе, мухлисон умедворанд, ки футбол дубора ифтихори кишвар хоҳад шуд.
