Душанбе. 3-юми январ. ОИ «Азия-Плюс» – Вазири тозатаъини корҳои дохилаи Тоҷикистон генерал-лейтенант Абдураҳим Қаҳҳоров бо судури як фармон Рауф Юсуфовро сардори Раёсати корҳои дохилаи вилояти Суғд таъин намуд.
Тавре ба ОИ «Азия-Плюс» аз маркази матбуоти Вазорати умури дохилаи кишвар хабар доданд, генерал-майори милиса Рауф Юсуфов қаблан муованати вазири корҳои дохилии Тоҷикистонро бар ӯҳда дошт ва бо қарори ҳукумати ҷумҳурӣ аз 31-уми январи соли ҷорӣ аз мақоми ишғолнамудааш озод карда шуд.
Ёдовар мешавем, қаблан Раёсати корҳои дохилии вилояти Суғдро вазири феълӣ – Абдураҳим Қаҳҳоров роҳбарӣ мекард. Қаҳҳоров бо фармони президенти ҷумҳурӣ аз 29-уми январи соли равон ба вазифаи вазири умури дохилаи Тоҷикистон таъин гардид. Дар ин мақом ӯ Маҳмадназар Солеҳовро иваз намуд.
