Душанбе. 30-юми июн. ОИ «Азия-Плюс» – Имрӯз раиси палатаи поёнии парлумони ҷумҳурӣ Сайдулло Хайруллоев оид ба фаъолияти Маҷлиси намояндагони Маҷлиси Олии ҶТ дар давраи кори иҷлосияи панҷуми МН МО ҶТ, даъвати саввум, ки қариб як сол идома ёфт, дар назди намояндагони мардумӣ ҳисобот хоҳад дод.
Чӣ тавре ки ба ОИ «Азия-Плюс» аз хадамоти матбуоти МН МО ҶТ иттилоъ доданд, намояндагони палатаи поёнии парлумони ҷумҳурӣ то 1-уми октябри соли ҷорӣ ба рухсатии тобистона мераванд. «Дар ин муддат онҳо бо интихобкунандагони худ мулоқот ороста, бо вазъи иқтисодиву иҷтимоии минтақаҳои кишвар аз наздик ошно хоҳанд гашт», – гуфт манбаъ.
Бино ба иттилои манбаъ, пас аз таътил нмояндагони мардумӣ то оғози соли нав иҷлосияи охиринро баргузор намуда, моҳи феврали соли 2010 маъракаи интихоботи вакилони нав ба палатаи поёнии парлумони ҷумҳурӣ доир мегардад.
