Душанбе. 20-уми июн. ОИ «Азия-Плюс» – Рӯзи 19-уми июн президенти Иёлоти Муттаҳидаи Амрико Барак Обама сафирони нави ИМА дар Тоҷикистну Гурҷистонро таъин кард. Б.Обама изҳор дошт, ки ҳукумати ИМА баҳри таҳкими муносибот бо ҷомеаи ҷаҳонӣ кӯшиш ба харҷ медиҳад.
Тибқи маълумоти интишорнамудаи ҳукумати Амрико, Кеннет Гросс сафари ИМА дар Тоҷикистон ва Ҷон Басс сафири ИМА дар Гурҷистон таъин карда шуданд.
Кеннет Гросс қаблан ба ҳайси муовини намояндагии ИМА дар шаҳри Душанбе, корманди намояндагии минтақавии ИМА дар Ироқ, намояндагиҳои дипломатии Амрико дар Куала-Лумпур (Малайзия) ва Франкфурти Майн (Олмон) ифои вазифа намудааст. Зимни фаъолият дар шаҳри Вашингтон К.Гросс ба гурӯҳи Ташаббуси шарикӣ дар минтақаи Шарқи Наздик роҳбарӣ мекард.
Номзадии сафиронро бояд Сенати Конгесси ИМА тасдиқ намояд.
