Қӯрғонтеппа. 28-уми июн. «Азия-Плюс» — | Дар яке аз нуқтаҳои фурӯши гази вилояти Хатлон як автомашина мавриди таркиш қарор гирифт. Бар асари он як нафар ба ҳалокат расида, се тан ҷароҳатҳои ҷисмонӣ бардоштанд.
Тавре аз мақомоти ҳифзи ҳуқуқи вилояти Хатлон хабар доданд, таркиш тахминан соатҳои 14:30 дақиқаи рӯзи шанбеи ҳафтаи сипраишуда дар нуқтаи фурӯши гази воқеъ дар роҳи мошингарди Қӯргонтеппа-Ҷалолиддини Румӣ, дар қаламрави ноҳияи Бохтар ба вуқӯъ пайвастааст. Ҳангоми гирифтани газ автомашинаи тамғаи «Нексия» мавриди инфиҷор қарор гирифтааст.
Ҷароҳатбардоштагон ба беморхонаи вилоят мунтақил шудаанд. Аз дигар ҷузъиёти ҳодиса алҳол хабар дода намешавад. Айни замон мақомоти додситонии ноҳияи Бохтар ба тафтишоти ҳодисаи мазкур машғуланд.
