Имрӯз дар шаҳри Душанбе беш аз 466 кило маводи мухаддири навъҳои гуногун нобуд карда шуд. Ҳамаи он ба сифати далели шайъӣ дар баррасии 208 парвандаҳои ҷиноӣ мавриди истифода қарор гирифта, ҳукми додгоҳ нисбати онҳо содир шудааст
.
Тавре ба ОИ «Азия-люс» сардори хадамоти матбуоти Вазорати корҳои дохилии ҷумҳурӣ иттилоъ дод, дар оташдони яке аз корхонаҳои саноатии пойтахт 120 кило маводи мухаддири сахттаъсири героин, 150 кило афюн ва зиёда аз 230 кило маводи мухаддири навъҳои дигар сӯзонида шуд.
Бино ба иттилои манбаъ, соли равон кормандони Вазорати корҳои дохилии кишвар аз муомилоти ғайриқонунӣ беш аз 1,7 тонна маводи нашъаоварро мусодира кардаанд.
