Душанбе. 5-уми декабр. ОИ «Азия-Плюс» – Кормандони Агентии назорати давлатии молиявӣ ва мубориза бо коррупсияи ҷумҳурӣ нисбат ба аъмоли муовини директори Ҷамъияти масъулияти маҳдуди «Душанбекоммунсервис» Рустам Усмонов парвандаи ҷиноӣ боз намуданд.
Тавре аз агентии мазкур ба ОИ «Азия-Плюс» хабар доданд, дар ҷараёни тафтишоти фаъолияти молиявии ин корхона Р.Усмонов барои рӯйпӯш сохтани 21 ҳазору 330 сомонии маблағи ғайриқонунӣ азхудкардааш ба кормндони агентӣ 2 ҳазор доллари амрикоӣ пора пешшниҳод кардааст.
Ба иттилои манбаъ аз рӯи ин далел нисбати боздоштшуда тибқи моддаҳои 245 (Азхудкунӣ ва камомад) ва 320-и Кодекси ҷиноии ҶТ (Порадиҳӣ) парвандаи ҷиноӣ боз гардида, тафтишот идома дорад.
