Чанде қабл мулоқоти вазири корҳои хориҷии Тоҷикистон Ҳамрохон Зарифӣ бо роҳбари намояндагии Бонки ҷаҳонӣ дар Тоҷикистон Марша Олив ва роҳбари намояндагии Агентии Олмон оид ба ҳамкории байналмилалӣ Штефан Эрбер баргузор гардид.
Тавре аз Вазорати корҳои хориҷии ҷумҳурӣ иттилоъ доданд, зимни мулоқот ҷонибҳо масъалаҳои ҳамкорӣ байни Тоҷикистон ва Бонки ҷаҳонӣ, фаъолияти Шӯрои ҳамоҳангсози рушд ва нақши Шӯро дар татбиқи Стратегияи миёнамуҳлати рушди Тоҷикистонро баррасӣ намуданд.
Ба иттилои манбаъ, дар ҷараёни мулоқот ҳамчунин атрофи масъалаи дастгирии муҳоҷирони меҳнатӣ табодули назари ҷонибҳо сурат гирифт.
