Президенти Шӯрои палатаи болоии парлумони Швейтсария Ханс Алтер бо сафари нахустин аз Тоҷикистон боздид мекунад. Интизорӣ меравад, ки ӯ рӯзи 2-юми ноябр бо сафари дурӯза ба Тоҷикистон ташриф меорад.
Тавре ба ОИ «Азия-Плюс» як манбаъ аз Маҷлиси миллии Маҷлиси Олии ҶТ хабар дод, дар ҷараёни сафар дидору гуфтушуниди Ханс Алтер бо ҳамтои тоҷики худ – раиси палатаи болоии парлумони Тоҷикистон Маҳмадсаид Убайдуллоев дар назар аст.
Ба иттилои манбаъ, дар доираи сафар ҳамчунин вохӯриву муоқотҳои Ханс Алтер бо намояндагони ҳукумат ва Вазорати корҳои хориҷӣ, боздиди ӯ аз Донишгоҳи давлатии тиббии Тоҷикистон пешбинӣ шудаанд.
