Душанбе. 5-уми март. ОИ «Азия-Плюс» – Дар ҷараёни гуфтушуниди намояндагони ширкатҳои ҳавопаймоии Тоҷикистону Ӯзбекистон дар шаҳри Тошканд оид ба барқарор сохтани парвози тайёраҳо тавассути хатсайри Душанбе-Тошканд тавофуқ ҳосил гардид.
Тавре сухангӯи ширкати ҳавопаймоии «
Tajik
Air
» Назира Давлатова ба ОИ «Азия-Плюс» хабар дод, дар моҳи март парвози тайёраҳо тавассути ин хатсайр аз нав оғоз мегардад. «Дар гуфтушунид ҷонибҳо тасмим гирифтнд, ки бо танзими як қатор масоили мавҷуда парвози тайёраҳо миёни шаҳрҳои Душанбеву Тошканд ҳам аз ҷониби ширкати Тоҷикистон ва ҳам Ӯзбекистон ба роҳ монда мешавад», – гуфт ӯ.
Ёдрас мекунем, ки фаъолияти хатсайри ҳавоӣ миёни Душанбеву Тошканд соли 1992 қатъ гардида буд. Соли 2000 ҷонибҳо оид ба
аз нав ба роҳ мондани парвози тайёраҳо тавассути ин хатсайр ба мувофиқа расида буданд, вале пас аз анҷоми парвози аввалин он бори дигар то ҳанӯз қатъ гардида буд.
