Душанбе. 16-уми май. ОИ «Азия-Плюс» – Имрӯз дар шаҳри Душанбе таҳти унвони «Ҳамкории мутақобилаи тиҷорати миллӣ ва ВАО дар бахши маркетинги пурсамар» конфронси байнулмилалӣ ба кор шурӯъ мекунад.
Чӣ тавре ки ба ОИ «Азия-Плюс» корманди Иттиҳодияи ҷамъиятии «Хома» Лола Мерганова иттилоъ дод, конфронс бо ташаббуси ИҶ «Хома», Ассотсиатсияи тиҷорати хурду миёнаи ҶТ ва Интернюс Европа бо дастгирии молиявии Комиссияи Аврупо баргузор мегардад. «Дар ҷараёни конфронс коршиносони маъруфи тоҷик оид ба натиҷагирӣ аз нақши маркетингии гурӯҳҳои оммавии медиаи Тоҷикистон маърӯза карда, инчунин ба масъалаҳои вазъи бозори реклом дар ҷумҳурӣ таваҷҷӯҳ зоҳир хоҳанд сохт.
Л.Мерганова мегӯяд, конфронс аз нигоҳи огаҳӣ пайдо кардани талаботи истеъмолгарон ба сифати маҳсулот ва пешниҳоди хизматрасониҳо ҷиҳати рушди тиҷорат барои соҳибкорон хеле муҳим аст.
