Душанбе. 16-уми май. ОИ «Азия-Плюс» – Тибқи иттилои Вазорати умури хориҷии ҶТ, чанде пештар дар шаҳри Маскав вазири умури хориҷии ҶТ Ҳамрохон Зарифӣ ва Русия Сергей Лавров Барномаи ҳамкорӣ барои соли 2009 миёни вазоратҳои умури хориҷии Тоҷикистон ва Русияро ба имзо расониданд.
Ёдрас мекунем, ки вазири умури хориҷии ҶТ Ҳамрохон Зарифӣ ҷиҳати иштирок дар ҷаласаи навбатии вазирони умури хориҷии кишварҳои узви Созмони Ҳамкории Шанхай дар шаҳри Маскав қарор дорад.
Ҳ.Зарифӣ дар Маскав ҳамчунин бо вазири умури хориҷии Чин Ян Тсзечи низ дидору гуфтушунид намуд.
