Душанбе. 29-уми май. ОИ «Азия-Плюс» – Субҳи имрӯз дар оташдонҳои корхонаи «Тоҷиктекстилмаш» 1 тоннаву 155 кило маводи мухаддир нобуд карда шуд.
Аз ин миқдор 122 килояшро маводи сахтттаъсири ҳероин ва 402 килояшро маводи мухаддири гурӯҳи каннабис ташкил медиҳад. Маводи мухаддири нобудшуда ба сифати далели шайъӣ дар 98 парвандаи ҷиноӣ истифода гардида, аз рӯи онҳо ҳукми додгоҳ содир шудааст.
Маводи мухаддири сӯзонидашуда дар ҷараёни баргузории амалиёти мақомоти дахлдор ва қисми бештараш аз ҷониби кормандони Агентии назорати маоди нашъавоари назди президенти Тоҷикистон мусодира гардидааст.
Чорабинии мазкур ба муносибати ҷашни 10-умин солгарди таъсиси Агентии назорати маводи нашъаовари назди президенти Тоҷикистон, ки 1-уми июн таҷлил мегардад, сурат гирифт.
