Соли 2011 ба 432 нафар мутахассисони ҷавони вилоят қитъаи замини наздиҳавлигӣ барои сохтмони манзили истиқоматӣ, ба 183 нафар барои полезкорӣ ва боғдорӣ ва ба 159 нафар қарзи имтиёзнок барои харидани занбӯри асал ва чорвои калони шохдор дода шудааст.
Тавре аз хадамоти матбуоти раиси вилояти Суғд хабар доданд, мутахассисони ҷавони соҳиби замини наздиҳавлигӣ гашта асосан сокинони шаҳру ноҳияҳои Исфара, Конибодом, Панҷакент, Айнӣ, Ғончӣ, Зафаробод, Ҷаббор Расулов, Бобоҷон Ғафуров, Шаҳристон ва Кӯҳистони Мастчоҳ мебошанд.
Қобили зикр аст, ки барои кор ба 914 нафар хатмкунандагони гурӯҳҳои буҷетии ихтисосҳои омӯзгории мактабҳои олӣ ва миёнаи махсуси вилоят роҳхат дода шуд.
