Имрӯз дар шаҳри Душанбе вазири рушди иқтисод ва савдои Тоҷикистон Шариф Раҳимзода бо директори идоракунандаи ширкати покистонии «Lafarge Pakistan Cement Industry» Рехмат Хан ва намояндагони масъули ширкати мазкур мулоқот орост.
Тавре аз хадамоти матбуоти Вазорати рушди иқтисод ва савдои ҷумҳурӣ хабар доданд, дар аснои дидор ҷонибҳо имконоти сармоягузорӣ ба иқтисоди Тоҷикистонро баррасӣ карданд.
Ба иттилои манбаъ, ҷонибҳо ҳамчунин аз шароити мусоиди сармоягузорӣ, дастгириҳои пайвастаи Ҳукумати мамлакат ҷиҳати рушди бахши хусусӣ ва бунёди корхонаҳои муштараки саноатӣ изҳори хушнудӣ намуданд.
Ширкати «Lafarge Pakistan Cement Industry» таҳти тамғаи тиҷоратии РАКСЕМ ба истеҳсол, фурӯш ва содироти семент машғул аст. Ширкат соли 1993 таъсис ёфта, дафтари кориаш дар Исломобод фаъолият мекунад.
