Чанде қабл дар қароргоҳи марказии Ҳизби наҳзати исломии Тоҷикистон ҷаласаи моҳонаи шӯъба ва бахшҳои ҲНИТ дар навоҳии тобеъи марказ баргузор гардид.
Тавре ба ОИ «Азия-Плюс» як манбаъ аз ҲНИТ хабар дод, дар ҷаласа зикр гардид, ки фаъолияти бахшҳои ҳизбӣ дар ноҳияҳои Файзобод, Ваҳдат ва Варзоб ба талаботи замона ҷавобгӯ аст. Фаъолияти бахшҳои ҳизб дар ноҳияҳои Рӯдакӣ, Ҳисор, Ҷиргатол, Нуробод, Тавилдара ва шаҳри Норак қаноатбахш ва дар ноҳияҳои Турсунзода ва Рашт суст арзёбӣ гардид.
Дар ҷаласа бобати ташкили дарсҳои омӯзишию фарҳангӣ барои масъулину аъзоён ва курсҳои кӯтоҳмуддат дар робита ба омӯзиши паҳлӯҳои тарзи корбарии ҳизбӣ қарори дахлдор қабул шуд.
