Душанбе. 24-уми июл. «Азия-Плюс» – Шоми дирӯз бар асари амали террористӣ дар шаҳри Хоруғ прокурори ноҳияи Рӯшони ВМКБ Нафасбек Дилшодов ҷароҳати вазнин бардошт.
Тавре ба ОИ «Азия-Плюс» як манбаъ аз мақомоти ҳифзи ҳуқуқи ҷумҳурӣ иттилоъ дод, автомашинаи прокурор тарконида шудааст. Ҳамроҳи прокурор ҳамсафари ӯ, ки ному насабаш ифшо намегардад, низ захмӣ шудааст. Айни замон онҳо дар ҳолати вазнин дар беморхона қарор доранд.
