Соли равон дар қаламрави Тоҷикистон барои даст доштан дар муомилоти ғайриқонунии маводи мухаддир 20 нафар шаҳрвандони кишварҳои хориҷӣ боздошт шуданд.
Тавре ба ОИ «Азия-Плюс» аз шуъбаи робита бо ҷомеаи Агентии назорати маводи нашъаовари назди президенти ҶТ хабар доданд, 10 нафар аз шаҳрвандони хориҷии боздоштшударо шаҳрвандони Афғонистон, 5 танро шаҳрвандони Эрон ва боз 5 нафари боқимондаро шаҳрвандони Қазоқистон, Русия, Ӯзбекистон, Қирғизистон ва Украина ташкил медиҳанд.
Ба иттилои манбаъ, соли гузашта дар қаламрави ҷумҳурӣ барои даст доштан дар муомилоти ғайриқонунии маводи мухаддир 50 нафар шаҳрвандони кишварҳои хориҷӣ боздошт шуда, аз онҳо ҳудуди 980 кило маводи нашъаовар мусодира гардида буд.
