Раиси палатаи болоии парлумони ҷумҳурӣ Мҳмадсаид Убайдуллоев қарор дар бораи даъвати иҷлосияи дувоздаҳуми Маҷлиси миллии Маҷлиси Олии Тоҷикистонро ба имзо расонид. Иҷлосияи дувоздаҳуми ММ МО ҶТ рӯзи 13-уми декабр дар Душанбе баргузор мешавад.
Тавре аз палатаи болоии парлумони ҷумҳурӣ хабар доданд, дар иҷлосия асноду қонунҳои қаблан аз ҷониби палатаи поёнии парлумон тасдиқшуда, аз ҷумла Кодекси шаҳрсозии Ҷумҳурии Тоҷикистон, Қонунҳо «Дар бораи шарикии давлат ва бахши хусусӣ», «Дар бораи экспертизаи зиддикорупсионии санадҳои меъёрию ҳуқуқӣ ва лоиҳаҳои санадҳои меъёрии ҳуқуқӣ», «Дар бораи ҳифзи ҳавои атмосфера», «Оид ба ворид намудани тағийру иловаҳо ба Қонуни Ҷумҳурии Тоҷикистон «Дар бораи хизмати давлатӣ» баррасӣ хоҳанд шуд.
