Семоҳаи аввали соли равон тавассути қаламрави Ӯзбекистон ба Тоҷикистон 121 ҳазор тонна бору маҳсулот фиристода шудааст.
Хабаргузории 12news.uz бо такя ба гуфтаи як манбаъ аз мақомоти ҳифзи ҳуқуқи Ӯзбекистон менависад, маълумоти оморӣ дар бораи транзити бору маҳсулоти Эрон тавассути қаламрави Ӯзбекистон ба Тоҷикистон гувоҳи онанд, ки сол то сол ҳаҷми онҳо дар ҳоли афзоиш аст.
«Ҳамин тариқ, агар соли 2011 тавассути роҳи автомобилӣ ва оҳан аз Эрон ба Тоҷикистон 332 ҳазор тонна бору маҳсулот фиристода шуда бошад, пас дар соли 2012 ин нишондиҳанда 418 ҳазор тоннаро ташкил дод», – изҳор намудааст ҳамсуҳбати хабаргузорӣ.
