23 июли соли 2013 муовини аввали вазири корҳои хориҷии Тоҷикистон Маҳмудҷон Собиров бо сафири Шоҳигарии Белгия дар Тоҷикистон Даниел Бертранд (қароргоҳ дар шаҳри Остона) бинобар ба итмом расидани ваколаташ дар ин вазифа мулоқоти хотимавӣ анҷом дод.
Бино ба маълумоти департаменти иттилооти Вазорати корҳои хориҷии ҷумҳурӣ, зимни суҳбат тарафҳо қаноатмандии худро роҷеъ ба муносибатҳои дуҷонибаи Тоҷикистону Белгия тайи чанд соли охир изҳор намуда, умедвории худро аз рушд ва таҳкими ин робитаҳо дар оянда баён намуданд.
Гуфта мешавад, дар фарҷоми мулоқот муовини аввали вазири корҳои хориҷӣ ба Даниел Бертранд дар фаъолияти ояндаи касбиаш муваффақиятҳо таманно намуд.
