Ҳукумати Тоҷикистон ба барқарор намудани манзилҳои аз заминларзаи рӯзи 10-уми ноябр осебдидаи сокинони шаҳри Ваҳдат оғоз кард.
Тавре ба ОИ «Азия-Плюс» котиби матбуотии КҲФ ва МГ назди ҳукумати ҶТ Ориф Нозимов хабар дод, рӯзи сешанбеи ҳамин ҳафта БДА «Амонатбонк» сохтмони ду манзили зист барои сокинони зарардидаро шурӯъ намуд.
То имрӯз аз ҷониби комиссия оид ба бартараф кардани оқибатҳои ҳолатҳои фавқулодаи Тоҷикистон ба сокинони осебдида бар асари заминларза 13 тонна орд, 6,5 тонна шакар, 6,5 тонна биринҷ, 2,6 тонна маснӯоти макаронӣ, 2,6 ҳазор тонна равғани растанӣ, 160 адад хаймаҳо, 160 адад оташдон ва ғайра кӯмак расонида шуд.
Ёдрас мекунем, ки дар натиҷаи
зилзилае,
ки субҳи 10-уми ноябр дар Ваҳдат рух дод, 118 оила бе манзили зист монда, боз 259 хонаи истиқоматӣ қисман валангор гашт. 12 нафар захмҳои гуногун бардоштанд.
