Чанде қабл мулоқоти сафири Тоҷикистон дар Давлати Кувайт Зубайдулло Зубайдов бо Раиси Фонди байналмилалии хайрияи исломӣ, Мушовири Девони Амири Давлати Кувайт, ҳамзамон Намояндаи Дабири кулли СММ оид ба корҳои башардӯстӣ д-р Абдуллоҳ Маътуқ ал-Маътуқ доир гардид.
Бино ба иттилои Вазорати корҳои хориҷии ҷумҳурӣ, дар мулоқот ҷонибҳо масъалаҳои рушди ҳамкориҳо байни ду кишварро, аз ҷумла бунёди беморхонаи байналмилалӣ, кашидани хати оби нушокӣ ба манотиқи эҳтиёҷдошта, кӯмак ба ятимхонаҳо, сохтмони мактабҳо, тармим ва бунёди масҷидҳо дар Тоҷикистонро муҳокима намуданд.
Гуфта мешавад, Абдуллоҳ ал-Маътуқ изҳори омодагӣ намуд, ки моҳи марти соли оянда ба Ҷумҳурии Тоҷикистон сафар карда, лоиҳаҳои омода намудаи ҷониби Тоҷикистонро мавриди баррасӣ қарор хоҳад дод.
