Кормандони шуъбаи ВКД ҶТ дар ноҳияи Сино-1-и пойтахт ба гумони даст доштан дар муомилоти ғайриқонунии маводи нашъаовар сокини 40-солаи ноҳияи Ҳисор Ҷӯрахон Остонаевро боздошт намуданд.
Бино ба иттилои сомонаи расмии ВКД ҶТ, ҳангоми кофтуков аз ӯ ба миқдори 3 килою 480 грамм маводи нашъадори «афюн» дарёфт ва мусодира карда шудааст.
Зимнан зикр мегардад, ки аз рӯи ин ҳодиса парвандаи ҷиноӣ оғоз гардида, тафтишот идома дорад.
