Вазири корҳои дохилии ҷумҳурӣ генерал-лейтенанти милиса Рамазон Раҳимов имрӯз аз шаҳри Исфара боздид намуда, бевосита бо вазъи мавҷуда дар марзи Тоҷикисиону Қирғизистон аз наздик ошно мегардад.
Дар маъмурияти шаҳри Исфара роҷеъ ба доир гардидани мулоқоти Рамазон Раҳимов бо мақомоти раҳбарии ВКД Қирғизистон дар маҳалли ҳодиса маълумоти мушаххас дода натавонистанд. «Зимни боздид аз Исфара вазир бо раҳбарият, ҳайати шахсии мақомоти милиса ва намояндагони аҳли ҷомеаи шаҳр вохӯриҳо анҷом хоҳад дод», – иброз дошт як манбаъ аз маъмурияти шаҳри Исфара.
Ёдрас мекунем, ки роҳи мошингарди Исфара – Ворух, ки рӯзи 18-уми декабр аз ҷониби сокинони мавзеи Оқсойи кишвари ҳамсояи Қирғизистон баста шуда буд,
то ҳанӯз боз нашудааст.
Аз гуфтушунидҳои мақомоти раҳбарии шаҳри Исфара ва вилояти Суғд бо намояндагони ҳукумати вилояти Ботканд ва муовини нахуствазири Қирғизистон Токон Мамитов бобати боз кардани роҳи мошингарди Исфара-Ворух ҳеҷ натиҷае ҳосил нашудааст.
