Тафтиши ҳодисаи куштори муҳоҷири кории тоҷик дар шаҳри Читаи Русия таҳти назорати консулгарии генералии Тоҷикистон дар шаҳри Екатеринбург қарор дорад.
Тавре аз Раёсати иттилооти Вазорати корҳои хориҷии ҷумҳурӣ иттилоъъ доданд, намояндагони консулгарӣ бо диаспораи тоҷикон дар шаҳри Чита дар тамос шуда, ҷиҳати дастрас кардани маълумоти бештар муфассал ба мақомоти давлатии Русия нома таҳия кардаанд.
Ба иттилои манбаъ, ҷараёни тафтиши ин ҳодисаро консули Тоҷикистон Парвиз Асоев таҳти назорати шахсӣ гирифтааст. Ҷасади шаҳрыванди Тоҷикистон то ҳанӯз ба ватан фиристода нашудааст, зеро мақомоти тафтишот ҳолатҳои содир шудани ин ҷиноятро мтаҳқиқ доранд.
Ёдрас мекунем, ки шоми рӯзи панҷшанбеи ҳафтаи равон дар шаҳри Читаи Русия як муҳоҷири кории тоҷик бо истифода аз силоҳи оташфишон
ба қатл расонида шуд.
