Рӯзи 31-уми январ дар вохӯрии сафири Русия дар Тоҷикистон Игор Лякин-Фролов бо раиси Падлатаи савдо ва саноати Тоҷикистон Шариф Саид вазъи кунунӣ ва дурнамои ҳамкориҳои тиҷоративу иқтисодии Тоҷикистону Русия баррасӣ шуданд.
Бино ба иттилои сафоратхонаи Русия дар Тоҷикистон, дар ҷараёни мулоқот ба масъалаи густариши ҳамкориҳо дар бахшҳои гидроэнергетика, саноати истихроҷи маъданҳои кӯҳӣ, мошинсозӣ, кишоварзӣ ва саноати сабук таваҷҷуҳи хосса зоҳир шуд.
Ба иттилои манбаъ, баҳри рушди бештари ҳамкориҳо ҷонибҳо ташкили намоишгоҳу ҳамоишҳои муштараки тиҷоративу иқтисодӣ ва ҳамчунин таъсиси Шӯрои кории Тоҷикистону Русияро мувофиқи мақсад донистанд.
