Санаи 12уми марти соли равон дар бинои Агентии назорати маводи нашъаовари назди Президенти ҶТ дар чорчӯбаи «Барномаи мубориза бар зидди маводи нашъаовар»-и Фармондеҳии Марказии ИМА маросими супоридани таҷҳизоти идоравӣ, техникаи оперативӣ, асбобу анҷом ва лавозимот барои гузаронидани ташхиси кимиёвии воситаҳои нашъадор баргузор гардид.
Бино ба иттилои шуъбаи робита бо ҷомеаи Агентӣ, дар чорчӯбаи ин барнома ҳукумати ИМА рушди инфрасохтор, барномаи омодасозӣ, кӯмаки техникӣ ва дастгирии Агентиро таъмин менамояд.
Гуфта мешавад, таҷҳизот барои пурзӯр намудани мубориза бар зидди гурӯҳҳои муташаккили ҷиноӣ, ки бо муомилоти ғайриқонунии маводи нашъаовар машғул мебошанд, пешбинӣ шудааст.
