Дар робита ба таҷлили ҷашни «Рӯзи меҳнаткашон» Чин марзҳои давлатиаш бо тамоми кишварҳои ҳамсояро мебандад.
Аз Сарраёсати нерӯҳои марзбонии КДАМ Тоҷикистон ба «Азия-Плюс» дар ин робита иттилоъ доданд, ки марз муваққатан бо ташаббуси ҷонии Чин баста мешавад.
Аз 1 то 4-уми май равуо барои шаҳрвандон, воситаҳои нақлиёт ва интиқоли молу коло тариқи гузаргоҳи «Қулма-Қарасу» дар қитъаи марзи Тоҷикистону Чин манъ карда мешавад. Ин гузаргоҳ рӯзи 5-уми майи дубора ба фаъолият оғоз мекунад.
Бино ба маълумоти Вазорати нақлиёти ҶТ, аз оғози сол тариқи ағбаи Қулма 4 ҳазору 363 автомашинаи боркаш марзи Тоҷикистону Чинро убур намудаанд.
Қобили зикр аст, ки иртиботи автомобилӣ миёни Тоҷикистону Чин тариқи ағбаи Қулма баҳори соли 2004 оғоз гардида буд.
