Кормандони ҶСК «Агроинвестбонк» музди меҳнати якрӯзаи худро баҳри кумак ба осебдидагон аз офати табиӣ дар минтақаи ҷануби ҷумҳурӣ тақдим карданд.
Тавре ба «Азия-Плюс» мудири дафтари кории бонки мазкур дар минтақаи Кӯлоб Сайфиддин Қадамов хабар дод, ин иқдом дар остонаи таҷлили ҷашни Иди Ғалаба сурат гирифт, то ки осебидагонро бо ин ҷашн табрик намуда, ҳамчунин хотиррасон шавад, ки бо гузашти вақт онҳо фаромӯш нашудаанд (фоҷеа бо талафоти ҷонӣ даҳаи аввали моҳи апрел рух дод).
Ба гуфтаи ӯ, ба 176 оилаи осебида дар ноҳияҳои Шӯрообод, Мӯъминобод, Восеъ, Кӯлоб ва Хуросони вилояти Хатлон дар маҷмӯъ 1-халтагӣ орд, 5-килогӣ биринҷ, шакар, равған ва 10-килогӣ макарон кумак карда шудааст.
