То имрӯз ғаллакорони вилояти Суғд 96 ҳазору 352 тонна зироати ғалладона ҷамъоварӣ намуданд.
Бино ба маълумоти фаврии Раёсати кишоварзии вилоят, ба санаи 5-уми августи соли равон дар майдони 58 ҳазору 473 гектар ҳосили гандум даравида шудааст, ки 85,9%-и нақшаи пешбинишударо ташкил медиҳад.
Ба иттилои мнабаъ, имсол дар қаламрави минтақаи шимоли ҷумҳурӣ ба сурати умум дар 68 ҳазору 49 гектар зироати ғалладона кишт шудааст.
Зимнан зикр гардид, ки дар баробари ҷамъоварии ҳосили имсола кишти такрории зироати ғалладона идома дошта, то имрӯз дар майдони умумии 10 ҳазору 506 гектар кишти такрорӣ ба анҷом расидааст, ки ба 70%-и нақшаи солона баробар аст.
