Президенти кишвар Эмомалӣ Раҳмон як гурӯҳ кадрҳои ба вазифаҳои нав пешниҳодшудаи чанде аз мақомоти амният ва ҳифзи ҳуқуқу тартиботро барои суҳбат ба ҳузур пазируфт.
Бино ба иттилои хадамоти матбуоти сарвари давлат, аз онҳо талаб карда шуд, ки содиқонаю софдилона хизмат намуда, ҳифзи манфиатҳои давлату миллатро дар мадди аввал гузоранд ва ҳамчунин дар таълиму тарбияи кадрҳои ҷавону болаёқати соҳаҳои худ саҳми намоён дошта бошанд.
Гуфта мешавад, ҳамин тариқ, роҳбарони яқ қатор воҳидҳои сохтории Вазорати корҳои дохилӣ, Кумитаи давлатии амнияти миллӣ ва Агентии назорати маводи нашаовар иваз карда шуданд.
