Рӯзи панҷшанбеи ҳамин ҳафта, 23-юми октябр обуҳаво дар Тоҷикистон сард мешавад.
Бино ба маълумоти Муассисаи давлатии обуҳпвошиносии Тоҷикистон, дар ин рӯз ба кишвари мо маҷрои ҳавои сард ворид шуда, ҳарорати ҳаво рӯзона то 7-9 дараҷа поин меравад.
Обуҳавошиносон қайд мекунанд, ки дар ин рӯз обуҳаво абрноки ноустувор боқӣ монда, дар водиҳо борони кӯтоҳмуддат ва дар манотиқиӣ доманакӯҳ борони шадид бо шамоли сахт дар назар буда, дар баъзе мавзеъҳо барф ҳам меборад.
Дар ҳамин ҳол, дар шаҳри Душанбе ҳарорати ҳаво тақрибан 10 дараҷа поин фаромада, 18-20 дараҷа гарм мешавад ва аз боришоти шадид эҳтимол меравад.
Обуҳавошиносон мегӯянд, ин ҳавои сард ҳамагӣ як рӯз идома ёфта, аллакай рӯзи 24-уми октябр обуҳаво ба меъёри муқаррарӣ меояд. Аз 24 то 27-уми октябр дар ҷумҳурӣ боришот дар назар набуда, ҳаво рӯзона 20-25 дараҷа гарм мешавад.
