Рӯзи 20-уми октябри соли равон сафири Ҷумҳурии Тоҷикистон Хусрав Нозирӣ дар Қоҳира бо муовини ёвари вазири корҳои хориҷии Ҷумҳурии Арабии Миср дар умури Осиёи Марказӣ ва Ғарбӣ Холид Умрон дидору гуфтушунид намуд.
Тавре аз намояндагии дипломатии Тоҷикистон дар Қоҳира хабар доданд, мусоҳибон масъалаҳои густариши муносибатҳои дуҷонибаи Тоҷикистон ва Мисрро дар заминаҳои гуногун мавриди баррасӣ қарор доданд.
Бино ба маълуомти Агентии омори назди президенти ҶТ, дар зарфи 9 моҳи соли ҷорӣ ҳаҷми муомилоти мол миёни Тоҷикистону Миср 20,1 ҳазор доллари ИМА-ро ташкил додааст, ки нисбат ба ҳамин давраи соли гузашта 8,9% камтар аст. Тамоми ҳаҷми муомилоти мол миёни кишварҳо ба воридоти маҳсулот аз Миср ба Тоҷикистон рост меояд.
