Дар мағозаи фурӯши масолеҳи сохтмони мансуб ба соҳибкор Саидҳомид Қурбонови 72-сола, воқеъ дар деҳаи Файзободи ноҳияи Ҳамадонии вилояти Хатлон субҳи рӯзи 16-уми ноябр бинобар сабаби вайрон намудани қоидаҳои васлкунии ҳисобкунаки барқӣ сӯхтор ба амал омад.
Бино ба маълумоти маркази матбуоти ВКД Тоҷикистон, оташ майдони 190 метри мураббаъи биноро фаро гирифта, ҳаҷми зиёни расида аз сӯхтор беш аз 35 ҳазор сомониро ташкил додааст.
Гуфта мешавад, маблағи умумии амволи аз оташ наҷотёфтаи соҳибкор ба зиёда аз 500 ҳазор сомонӣ баробар аст.
Зимнан зикр мегардад, ки ҳангоми гузаронидани таҳқиқ ошкор гаштааст, ки сӯхтор дар натиҷаи хунукназарии худи соҳибкор сар задааст.
