Ҳайати ҳарду палатаи парлумони Тоҷикистон таҳти сарварии раиси Маҷлиси миллии Маҷлиси Олии ҶТ Маҳмадсаид Убайдуллоев ҷиҳати иштирок дар чорабиниҳои Ассамблеяи байнипарлумонии кишварҳои узви ИДМ, Иттиҳоди иқтисодии Авруосиё (ЕврАзЭС) ва Ассамблеяи байнипарлумонии Созмони Аҳдномаи амнияти дастаҷамъӣ (рӯзҳои 26-29-уми ноябр) ба шаҳри Санкт-Петербурги Русия раҳсипор шуд.
Тавре ба «Азия-Плюс» ёвари раиси Маҷлиси миллии Маҷлиси Олии ҶТ Шавкат Саидов хабар дод, ҳайати парлумонии Тоҷикистонро дар ин чорабиниҳо муовини раиси палатаи поёнии парулмони ҷумҳурӣ Назира Ғаффорова, собиқ президенти ҶТ, узви Маҷлиси миллӣ Қаҳҳор Маҳкамов, раиси шаҳри Кӯлоб, узви Маҷлиси миллӣ Абдуғаффор Раҳмонов, раисони Кумитаҳои Маҷлиси намояндагон Маҳмадалӣ Ватанов, Амирқул Азимов, Хайринисо Юсуфӣ, Сафаралӣ Раҷабов, Убайдулло Давлатов, вакилони палатаи поёнии парлумон Амрохон Сафаров, Исмоил Талбаков ва Баракатулло Атохоҷа намояндагӣ мекунанд.
