Дар қаламрави тамрингоҳи Момираки вилояти Хатлон маркази бузургтарини таълимии Вазорати мудофиаи Тоҷикистон мавриди истифода қарор гирифт.
Котиби матбуотии Вазорати мудофиаи ҷумҳурӣ Фаридун Маҳмадалиев ба «Азия-Плюс» дар ин робита иттилоъ дод, ки маркази таълимии «Ҳомиён» бевосита аз ҳисоби воситаҳо ва бо истифода аз захираҳои Вазорати мудофиаи ҷумҳурӣ дар майдони беш аз 22 гектар бунёд гардидааст.
«Дар маркази таълимии мазкур, ки аз макони зисту ошхона ва дигар зербинои зарурӣ иборат аст, метавон барои ҳамаи навъҳои ҷузъу томҳои нерӯҳои нзомии ҷумҳурӣ тамринҳо ва машғулиятҳо доир намуд», – иброз дошт ӯ.
Зимнан зикр гардид, ки дар маросими ифтитоҳи марказ вазири мудофиаи ҷумҳурӣ Шералӣ Мирзо зимни суханрониаш оид ба беҳбуди шароити таълими сарбозону афсарон дар майдони машқи танкҳо ва ободонии қаламрави марказ дастурҳои мушаххас додааст.
