Дар анҷумани пешазинтихоботии Ҳизби ислоҳоти иқтисодии Тоҷикистон (ҲИИТ), ки ахири ҳафтаи гузашта дар Душанбе доир гардид, аз ҳавзаи ягонаи умумиҷумҳуриявӣ 6 нафар номзадҳо ба вакилӣ дар палатаи поёнии парлумон пешбарӣ шуданд.
Тавре ба «Азия-Плюс» раиси ҳизб, доктори улуми иқтисодӣ Олимҷон Бобоев дар ин робита хабар дод, дар садри рӯйхати ҳизбӣ худи ӯ қарор дошта, ҳамчунин ба ин рӯйхат доктори улуми иқтисодӣ Рустам Қудратов, доктори улуми иқтисодӣ Машраб Файзуллоев, мудири кафедари фалсафаи ДМТ Рустам Назаров, доктори улуми иқтисодӣ Абдулатиф Раҳимов ва унвонҷӯи илмӣ Шаҳрбону Машрабова низ шомил гардидаанд.
Ба гуфтаи Бобоев, ҲИИТ ҳамчунин ният дорад, ки аз ҳавзаҳои интихоботии якмандатӣ низ боз 10 номзадҳои ҳизбро ба вакилӣ дар палатаи поёнии парлумон пешбарӣ намояд.
