Рӯйхатии ҳизбии аз ҳавзаи ягонаи умумиҷумҳуриявии ҲНИТ санаи 16-уми декабр пешниҳодшуда каме ихтисор шуд.
Роҳбари дастгоҳи КМИР Тоҷикистон Абдуманнон Додозода ба «Азия-Плюс» дар ин робита иттилоъ дод, ки ҲНИТ худаш номзадии Усмон Сафиаллоевро, ки таҳти рақами 27 дар рӯйхат қарор дошт, бозпас хондааст.
«Ситоди пешаазинтихоботии ҲНИТ ошкор намудааст, ки У Сафиаллоев маълумоти олӣ надорад, ки ин яке аз шартҳои пешбарии номзадҳо ба вакилӣ дар Маҷлиси намояндагони Мачлиси Олии ҶТ мебошад», – иброз дошт номбурда.
Ба гуфтаи ӯ, рӯзи 8-уми январ боқимонда номзадҳои тибқи рӯйхати ҳизбӣ аз ҷониби ҲНИТ пешбаришуда муваффақона аз санҷиши донистани забони давлатӣ гузаштаанд.
Ёдрас мекунем, ки санаи 16-уми декабр дар анҷумани пешазинтихоботии ҲНИТ тибқи рӯйхати ҳизби аз ҳавзаи ягонаи умумиҷумҳуриявӣ 28 нафар номзадҳо ба вакилӣ дар палатаи поёнии парлумон пешбарӣ шуданд, ки дар садри рӯйхат раиси ҳизб Муҳиддин Кабирӣ қарор дорад
