Рӯзи 8-уми январи соли 2015 муовини вазири корҳои хориҷии Тоҷикистон Низомиддин Зоҳидӣ сафири Ҷумҳурии Исломии Эрон дар Ҷумҳурии Тоҷикистон Ҳуҷҷатуллоҳ Фағониро ба ҳузур пазируфт.
Бино ба иттилои Вазорати корҳҳои хориҷии ҶТ, дар ҷараёни суҳбат масъалаҳои мубрами муносибатҳои дуҷониба ва самтҳои афзалиятноки ҳамкориҳои Тоҷикистон ва Эрон дар соҳаҳои иқтисоду тиҷорат, энергетика, зерсохтори нақлиётӣ, маориф ва фарҳанг мавриди табодули назар қарор гирифтанд.
