Соли 2013 Суди олии Тоҷикистон 128 парвандаҳои гуногунро мавриди баррасӣ қарор дода, дар ҳеҷ кадоме аз онҳо ҳукми эътирофи бегуноҳӣ содир нашуд.
Зимни вохӯрӣ бо намояндаони ВАО раиси Суди олии ҷумҳурӣ Нусратулло Абдуллозода изҳор намуд, ки аз 46 парванаи ҷиноии баррасишуда нисбати 81 нафар шаҳрвандон ҳукмҳои марбут ба маҳрум кардан аз озодӣ содир шуда, 1 парвандаи ҷиноӣ нисбати 2 нафар дар робита ба марги судшавандаҳо қатъ карда шудааст, 1 парванда бинобар сабаби гузаштани муҳлати баррасии ҷинояти содиршуда ва 2 парванда бо сабаби бозпас хондани айбномаҳо аз ҷониби айбдоркунандагони давлатӣ низ қатъ гардидааст.
Абдуллозода таъкид дошт, ки соли гузашта дар тамоми зинаҳои мақомоти судии Тоҷикистон 125 ҳазору 284 парвандаҳои ҷиноӣ, шаҳрвандӣ, маъмурӣ ва оилавӣ баррасӣ шуда, нисбати 6 ҳазору 714 парванда шикоят оварда шудааст.
«Дар натиҷаи баррасии парвандаҳое, ки аз болояшон шикоят оварда шуда буд, 416 қарори судӣ бекор карда шуд, ки 0,31% аз шумори умумии парвнадаҳои баррасишударо ташкил медиҳад», – афзуд раиси Суди олии ҷумҳурӣ.
