Гурӯҳи аввали нозирони дарозмуддати Дафтари Созмони амният ва ҳамкории Аврупо оид ба Институтҳои Демократӣ ва Ҳуқуқи Башар (САҲА/ДИДҲБ) дар интихоботи парлумонии Тоҷикистон ахири моҳи январ ба Душанбе ташриф меоранд.
Роҳбари дастгоҳи КМИР Тоҷикистон Абдуманнон Додозода ба «Азия-Плюс» дар ин робита иттилоъ дод, ки ин гурӯҳи аввали нозирони САҲА аз 11 нафар иборат аст.
Номбурда хотиррасон намуд, ки Комиссияи марказии интихобот ва раъйпурсии Тоҷикистон, аз иштироки беш аз 500 нафар нозирони байнулмилалӣ дар маъракаи интихобот ба палатаи поёнии парлумони Тоҷикистон интизорӣ дорад.
Қобили зикр аст, ки дар маъракаи интихоботи президенти Тоҷикистон санаи 6-уми ноябри соли гузашта 502 нафар нозирони байнулмилалӣ ҳузур доштанд.
Шурӯъ аз рӯзҳои аввали Соли нав тариқи Вазорати корҳои хориҷии ҶТ КМИР ба унвони Кумитаи иҷроияи ИДМ, Созмони ҳамкории Шанхай, Ассамблеяи байнипарлумонии ИДМ, Ассамблеяи байнипарлумонии СААД, САҲА ва як қатор кишварҳо ҷиҳати иштирок дар интихоботи парлумонии Тоҷикистон даъватнома фиристод.
Ҳамчунин мебояд зикр кард, ки пас аз интихоботи парлумонии соли 2010 аз ҷониби нозирони САҲА ба Тоҷикистон оид ба такмили ҷараёни интихобот
25 тавсия пешниҳод гардида буд
, ки то имрӯз 18-то он иҷро шудааст.
