Кумитаи андози назди ҳукумати Тоҷикистон андозсупоранлагони беҳтарин дар соли 2014-ро муайян кард.
Тавре ба «Азия-Плюс» аз Кумитаи мазкур хабар доданд, комиссияи махсуси Кумита андозсупорандагони зеринро беҳтаринҳо дар соли 2014 эътироф намудааст:
– ҶДММ «Хуаксин Ғаюр Семент» (ноҳияи Ёвон);
– ҶДММ «Таком» (Душанбе);
– ҶДММ «Корхонаи маҳсулоти ширии Саодат» (Душанбе);
– ҶСП «Туризм Промоушн Сервисез Тоҷикистон» (Душанбе);
– ҶДММ «Баҳористон» (шаҳри Қайроққум).
Дар Кумитаи андоз бар ин назаранд, ки озмуни мазкур бо мақсади ҳавасмандсозии фаъолияти андозсупорандагон роҳандозӣ гардида, ба беҳбуди сатҳи фарҳанги пардохти андозҳо мусоидат мекунад. «Чунин иқдом ҳамчунин дар фароҳам сохтани шароити рақобати солим миёни андозсупорандагон низ нақши муҳим дорад», – таъкид доштанд дар Кумита.
Қобили зикр аст, ки аз рӯйхати «панҷгона»-и беҳтарин андозсупорандагони Тоҷикистон дар соли 2013, дар рӯйхати соли 2014 танҳо ҶДММ «Баҳористон» ҳузур дорад.
