Рӯзи 15 январи соли 2015 мулоқоти муовини вазири корҳои хориҷии и Тоҷикистон Низомиддин Зоҳидӣ бо кордори сафорати Ҷопон дар Тоҷикистон Такаши Камада баргузор гашт.
Бино ба иттилои Вазорати корҳои хориҷии ҶТ, дар ҷараёни сӯҳбат масоили густариши муносибатҳои дуҷониба ва ҳамкории судманд дар арсаи минтақавию байналмилалӣ мавриди баррасӣ қарор гирифтанд.
Гуфта мешавад, ҳамин рӯз ҳамчунин мулоқоти муовини вазири корҳои хориҷии Тоҷикистон Низомиддин Зоҳидӣ бо кордори Сафорати Ҷумҳурии Корея дар Тоҷикистон Ён Ҷон Ку доир гардид.
Зикр мегардад, ки зимни вохӯрӣ масоили рушди муносибатҳои дуҷониба ва ҳамкорӣ дар доираи созмонҳои байналмилалӣ ва минтақавӣ мавриди баррасӣ қарор гирифта, атрофи омодагии ҷонибҳо ба чорабиниҳои муҳимми байналмилалӣ – Форуми ҳафтуми ҷаҳонӣ, ки моҳи апрел дар ш. Тегуи Корея баргузор мегардад ва Конфронси байналмилалии сатҳи баланд доир ба арзёбии дастовардҳои Даҳсолаи байналмилалии амал “Об барои ҳаёт”, ки онро дар моҳи июни соли ҷорӣ Душанбе мизбонӣ мекунад, табодули назар сурат гирифт.
