Рӯзи 29 январи соли 2015 Вазири корҳои хориҷии Ҷумҳурии Тоҷикистон Сироҷидин Аслов Роҳбари Дафтари Созмони Амният ва Ҳамкорӣ дар Аврупо (САҲА) дар Тоҷикистон Маркус Мюллерро ба ҳузур пазируфт.
Бино ба иттилои Вазорати корҳои хориҷии ҶТ, мусоҳибон роҷеъ ба масъалаҳои ҳамкорӣ миёни Тоҷикистон ва САҲА ва масъалаҳои дигари байналмилалии мавриди эҳтимоми муштарак мубодилаи афкор намуданд.
Гуфта мешавад, ҳамзамон дар мулоқот оид ба татбиқи Қатъномаи Маҷмаи Умумии СММ таҳти унвони Даҳсолаи байналмилалии амал “Об барои ҳаёт”, 2005-2015 ва талошҳои минбаъда ба мақсади дастрасӣ ба рушди устувори захираҳои об”, ки бо ташаббуси Ҷумҳурии Тоҷикистон қабул гардидааст, мубодилаи судманди афкор сурат гирифт.
