Дар Литва як занеро дарёфт кардаанд, ки 554 автомобилҳои шаҳрвандони Тоҷикистону Қазоқистонро ба номи худ сабт кардааст.
Бино ба маълумоти
хабаргузории «Делфи»-и Литва
, ҳамаи автомобилҳои ба номи ӯ сабтшуда ба сокинони Осиёи Марказӣ тааллуқ дошта, ба гуфтаи худи зан, ӯ маъмулан автомашинаҳои шаҳрвандони Тоҷикистону Қазоқистонро, ки тез-тез ба бозори Мариямпол меомадаанд, ба номи худ ба қайд мегирифтааст ва барои анҷоми расмиёти сабти автомобилҳои бегона ба номи худ, ба ӯдар ширкати давлатии Regitra 72 евро (250 лит) маблағ пардохт мекардаанд.
Гуфта мешавад, даромади зан аз ин тиҷорат хеле хуб ба роҳ монда шуда, мақомоти пулис ошкор кардаанд, ки ӯ ин автомобилҳоро тариқи ширкати махсуси барои ин мақсад таъсисдодашуд ба қайд мегирифтааст.
Зимнан зикр мегардад, ки ба «соҳибкорзан» мутобиқи моддаҳои қонунӣ гардонидани даромадҳои бо роҳи ҷинояткорӣ бадастомада ва дидаву дониста баёноти бардурӯғ додан бо мақсади дастрас намудани ҳуҷҷатҳо айбнома пешниҳод шудаааст. Суд ӯро гунаҳкор эътироф карда, 3760 евро ҷарима бастааст. Ин маблағро зан бояд дар муддати ним сол пардохт намояд.
