Ҳизби ислоҳоти иқтисодии Тоҷикистон (ҲИИТ) ба маъракаи интихобот ба палатаи поёнии парлумон ва маҷлисҳои маҳаллӣ 66 нафар номзад пешбарӣ намуд.
Раиси ҲИИТ, доктори улуми иқтисодӣ Олимҷон Бобоев ба «Азия-Плюс» дар ин робита иттилоъ дод, ки тибқи рӯйхати ҳизбӣ аз ҳавзаи ягонаи умумиҷумҳуриявӣ 6 нафар ва аз ҳавзаҳои якмандатии интихоботӣ 12 нафар намояндагони ҳизб номзад ба вакилӣ дар Маҷлиси намондагон пешбарӣ шудаанд.
Ба гуфтаи ӯ, боз 48 нафар фаъолон аз ҷумлаи аъзои ҲИИТ дар маъракаи интихоботи вакилон ба маҷлисҳои маҳаллии вакилони халқи вилоят ва шаҳру навоҳӣ ширкат меварзанд.
Дар идома ӯ қайд кард, ки айни замон ҲИИТ дар тамоми минтақаҳои кишвар ба паҳн кардани 15 ҳазор лавҳаҳои таблиғотӣ ва ҳудуди 7 ҳазор нусха нашрияи ҳизбии «Иқтисод ва ҳаёт» бо дарҷи барномаи пешазинтихоботии ҳизб машғул аст.
