Вазири нақлиёти Тоҷикистон Шералӣ Ганҷалзода дар маросими расмии ифтитоҳи терминали нав дар Фурудгоҳи байнулмилалии «Уфа» иштирок кард.
Дар ин чорабинӣ, ки рӯзи 14 май баргузор шуд, вазирони нақлиёти дигар кишварҳои узви Созмони ҳамкории Шанхай ва ҳамчунин котиби генералии Созмон Дмитрий Мезентсев низ ҳузур доштанд.
Бино ба иттилои хадамоти матбуоти АНО «Офис-группа ШОС БРИКС «Уфа-2015» , пас аз буридани лентаи рамзӣ меҳмонон аз толорҳои гуселу пешвози мусофирон боздид намуда, бо иншооти дигари зербинои терминали нави байнулмилалии фурудгоҳ аз наздик шинос шуданд.
